शिधावाटप विस्तारित कार्यालयाचे मुख्यमंत्र्यांच्या हस्ते उद्‍घाटन

मुंबई, दि. 27 : नियंत्रक शिधावाटप व संचालक नागरी पुरवठा यांच्या आधुनिकीकरण व अद्यावतीकरण केलेल्या मुंबई कार्यालयाचे (विस्तारीत) मुख्यमंत्री देवेंद्र फडणवीस यांच्या हस्ते उद्घाटन संपन्न झाले. चर्चगेट स्थानकाजवळील एक्सप्रेस इमारतीत दुसऱ्या मजल्यावरील या कार्यालयाचे नुकतेच आधुनिकीकरण करण्यात आले आहे.

यावेळी  अन्न व नागरी पुरवठा तथा ग्राहक संरक्षणमंत्री गिरीश बापट, उद्योगमंत्री तथा मुंबई शहरचे पालकमंत्री  सुभाष देसाई, अन्न व नागरी पुरवठा राज्यमंत्री रवींद्र चव्हाण, आमदार राज पुरोहित, अन्न व नागरी पुरवठा विभागाचे प्रधान सचिव महेश पाठक, संचालक व नियंत्रक शिधावाटप कैलास पगारे उपस्थित होते.

००००