अल्पसंख्याक विकास व औकाफ मंत्री नवाब मलिक यांची हज हाऊसला भेट

नागपूर, दि. 15 : शहरातील हज हाऊस येथे अल्पसंख्याक विकास व औकाफ मंत्री नवाब मलिक यांनी आज दुपारी भेट देऊन पाहणी केली. त्यांच्यासोबत हज हाऊस समितीचे पदाधिकारी उपस्थित होते. येथे हज यात्रेकरुंसाठीच्या सोयी-सुविधा, लसीकरण, याबाबत आढावा घेत इमारतीची रंगरंगोटी, इमारत डागडुजी, दुरुस्तीसाठी आवश्यक निधी मिळावा, अशा मागणीचे निवेदन हज हाऊसच्या पदाधिका-यांनी मंत्री मलिक यांच्याकडे दिले. इमारतीची डागडुजी करण्यासाठी अभियंत्याकडून आराखडा पाहून त्यानुसार निर्णय घेण्यात येईल. त्यासाठी आढावा बैठक आयोजित करण्यात येईल, असे मंत्री श्री. मलिक यांनी हज हाऊसच्या पदाधिकाऱ्यांना सांगितले. *******