रामटेक येथे आज बेरोजगार युवक-युवतींकरिता रोजगार मेळावा

             नागपूर, दि. 28 : जिल्हा कौशल्य विकास, रोजगार व उद्योजकता मार्गदर्शन केंद्र व शासकीय औद्योगिक प्रशिक्षण संस्था, रामटेक यांच्या संयुक्त विद्यमाने शनिवार, दिनांक 29 डिसेंबर रोजी सकाळी 11 वाजता बेरोजगार युवक-युवतींकरिता रोजगार मेळाव्याचे आयोजन करण्यात आले आहे. रामटेक येथील खैरी बिजेवाडा शासकीय औद्योगिक प्रशिक्षण संस्था येथे ‘पंडित दीनदयाल उपाध्याय रोजगार मेळावा’ घेण्यात येणार आहे.

एकदिवसीय मेळाव्यात मेसर्स सूर्यालक्ष्मी कॉटन मिल्स लि., जॉबकट्टा, महिंद्रा एण्ड महिंद्रा, अल्ट्राटेक सिमेंट, दि युनिवर्सल ग्रुप असोशिएशन अशा विविध भागातील 27 कंपन्या सहभागी होणार आहेत.

इयत्ता 10वीं, 12वीं, पदवीधर, अभियांत्रिकी, डिप्लोमा, बी. फार्म, टेक्नीकल, नॉन-टेक्नीकल, आयटीआय, बी. ई., बी.टेक फूड टेक्नॉलॉजी,बीएस्सी, एम.एस्सी, माईक्रोबॉयलॉजी ही शैक्षणिक पात्रता असणारे बेरोजगार युवक-युवतींना रोजगार मेळाव्यात सहभागी होता येणार आहे. पात्र उमेदवारांनी शैक्षणिक प्रमाणपत्रासह जास्तीत जास्त संख्येने उपस्थित राहण्याचे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक संचालक प्र. वा. खंडारे यांनी केले आहे.

****