नागपूर, दि. 20 :जिल्हा कौशल्य विकास, रोजगार व उद्योजकता मार्गदर्शन केंद्र
यांच्या वतीने औद्योगिक प्रशिक्षण संस्थामधील उमेदवारांची www.mahaswayam.in या वेबपोर्टलवर नोंदणी करण्याकरिता
सूचना देण्यात आली आहे. परंतु अद्यापपर्यंत औद्योगिक प्रशिक्षण संस्थामधील शिकत
असलेले व उत्तीर्ण झालेल्या उमेदवारांची नोंदणी झालेली नाही. सर्व जिल्ह्यातील
औद्योगिक प्रशिक्षण संस्थांनी साप्ताहिक माहिती जिल्हा कौशल्य विकास, रोजगार व उद्योजकता मार्गदर्शन केंद्र येथे
पुरवावी. तसेच दिनांक 31 डिसेंबर
2019 पर्यंत संपूर्ण उमेदवारांची नाव नोंदणी
झाल्याचा अहवाल सादर करावा, असे
आवाहन जिल्हा कौशल्य विकास, रोजगार
व उद्योजकता मार्गदर्शन केंद्राचे सहायक संचालक प्र. हरडे यांनी केले.
अधिक माहितीसाठी जिल्हा कौशल्य विकास, रोजगार व उद्योजकता
मार्गदर्शन केंद्राच्या श्रीमती आशा कमलाकर व दीपक इंगळे यांच्याशी दूरध्वनी
क्रमांक 0712-2531213 वर कार्यालयीन वेळेत संपर्क साधावा.
******
No comments:
Post a Comment