विधानभवनातील मौखिक आरोग्य तपासणी शिबिरास सभापती व मुख्यमंत्र्यांची भेट

मुंबई, दि. 21 : सार्वजनिक आरोग्य विभागाच्या वतीने नागपूर विधान भवनात आयोजित मौखिक आरोग्य तपासणी शिबिरास आज विधान परिषदेचे सभापती रामराजे नाईक निंबाळकर व मुख्यमंत्री देवेंद्र फडणवीस यांनी भेट दिली. यावेळी आरोग्यमंत्री डॉ. दीपक सावंत यांनी त्यांचे स्वागत केले.
सार्वजनिक आरोग्य विभागाच्या वतीने विधीमंडळ सदस्य, अधिकारी, कर्मचारी तसेच विधानभवनमध्ये येणाऱ्या अभ्यागतांसाठी मौखिक आरोग्य तपासणी शिबिराचे आयोजन करण्यात आले आहे. या शिबीरास भेट देऊन सभापती श्री. नाईक निंबाळकर व मुख्यमंत्री श्री. फडणवीस यांनी शिबिराची माहिती घेतली. यावेळी आमदार हुस्नबानू खलिफे यांच्यासह विविध अधिकारी व कर्मचारी उपस्थित होते.
०००