विद्यापिठातील अधिकारी-कर्मचाऱ्यांच्या विविध मागण्यांबाबत‍ लवकरच आढावा बैठक - उदय सामंत

मुंबई, दि. 23 : विद्यापिठातील अधिकारी व कर्मचारी यांच्या विविध मागण्यांसदर्भात शासन सकारात्मक असून लवकरच आढावा बैठक घेण्यात येईल, असे आश्वासन उच्च व तंत्रशिक्षण मंत्री उदय सामंत यांनी दिले.           

उच्च व तंत्रशिक्षण मंत्री श्री.सामंत यांना महाराष्ट्र युनिव्हर्सिटीज ऑफिसर्स फोरम यांच्यावतीने विविध मागण्यासंदर्भात निवेदन देण्यात आले.            

श्री.सामंत म्हणाले, विद्यार्थ्यांच्या गुणवत्तेबरोबरच विद्यापिठातील अधिकारी-कर्मचारी यांच्या अडचणी समजून घेऊन त्यांना न्याय दिला पाहिजे. कुलसचिव, वित्त व लेखा अधिकारी, परीक्षा नियंत्रण (संचालक परीक्षा व मुल्यमापन) या पदावर नियुक्त झालेल्या प्रशासकीय अधिकारी आणि प्राध्यापकांना समान ग्रेड पे देणे, समान वेतनश्रेणी असलेल्या समकक्ष अधिकाऱ्यांना 5 वर्षानंतर वेतनश्रेणीत वाढ, प्रशाकीय अधिकाऱ्यांना वेतनश्रेणी व अन्य लाभ मिळणे, विद्यापीठ अधिनियम 2016 मधील कलम 102 नुसार निवड समितीत सुधारणा करणे, कुलसचिव, संचालक (परीक्षा व मुल्यमापन) वित्त व लेखा अधिकारी या पदावर विद्यापीठातील प्रशासकीय अधिकाऱ्यांना नियुक्त करणे या विषयाच्या अनुषंगाने सर्वांची एकत्रित बैठक घेऊन यावर निर्णय घेण्यात येईल.

000