Monday, 4 February 2019

घाटकोपरमध्ये 11 ते 16 फेब्रुवारी दरम्यान होमगार्ड नोंदणी मोहीम



मुंबई, दि. 4 : राज्य गृहरक्षक दलाच्या (होमगार्ड) वतीने 11 फेब्रुवारी ते 16 फेब्रुवारी दरम्यान नवीन होमगार्ड सदस्यांच्या नोंदणीस सुरूवात होणार आहे. घाटकोपर येथील लोहमार्ग आयुक्तालयाच्या आवारात सकाळी 7 ते सायंकाळी 5 या कालावधीत ही नोंदणी मोहीम होणार आहे. होमगार्डसाठी जास्तीत जास्त युवकांनी नोंदणी करावी, असे आवाहन करण्यात आले आहे.
या नोंदणीसाठी उमेदवाराची पात्रता पुढील प्रमाणे उमेदवार कमीत कमी 10 वी पास असावा, वय 20 ते 50 वर्षे, पुरुषांसाठी उंची 162 सेंमी. छाती न फुगविता कमीत कमी 76 सेंमी व 5 सेंमी फुगली पाहिजे, धावणे चाचणी 1600 मीटर. महिलांसाठी उंची 150 सेंमी व 800 मीटर धावणे. बृहन्मुंबई, ठाणे व रायगड जिल्ह्यातील वैद्यकीय दृष्ट्या उमेदवार यासाठी नोंदणी करू शकतात. उमेदवाराने येताना सोबत पासपोर्ट आकाराची चार छायाचित्रे आणावीत, असे होमगार्ड विभागाने प्रसिध्दी पत्रकान्वये कळविले आहे.
००००

No comments:

Post a Comment