४ जून #दिनविशेष

 ४ जून #दिनविशेष 

बौद्ध धर्माचे जगद्विख्यात पंडित  #धर्मानंददामोदरकोसंबी यांचा स्मृतिदिन.मराठी नियतकालिकातील गौतम बुद्धावरील लेख वाचून,त्यांचे बौद्ध धर्माविषयी कुतूहल जागृत झाले.बौद्धविहारांमधून भिक्षुधर्माची दीक्षा घेऊन, त्यांनी पाली भाषा-साहित्याचा सखोल अभ्यास केला.

बौद्ध धर्म तत्वज्ञानाप्रसारार्थ अनेक मराठी ग्रंथ त्यांनी लिहिले. 'आनंदविहार' आणि 'बहुजनविहार' ह्या संस्थाही त्यांनी मुंबईत स्थापिल्या. विसुद्धिमग्ग हा महापूर्ण ग्रंथ त्यांनी प्रथम रोमन लिपीत तयार केला. १९४० मध्ये त्यांनी तो देवनागरीतही संपादून प्रकाशित केला. बुद्धलीलासारसंग्रह, बुद्ध धर्म आणि संघ, निवेदन, समाधिमार्ग, बौद्ध संघाचा परिचय, भगवान बुद्ध, बोधिसत्त्व, सुत्तनिपाताचे मराठी भाषांतर, पार्श्वनाथाचा चातुर्याम धर्म हे त्यांचे उल्लेखनीय मराठी ग्रंथ होत.

४ जून १९४७ रोजी सेवाग्राम (#वर्धा) येथे त्यांचे निधन झाले.

नागपूर येथे आधुनिक संत्रा प्रक्रिया केंद्र उभारण्याच्या प्रस्तावास प्रशासकीय मान्यता

 नागपूर, दि. 3 : आधुनिक संत्रा प्रक्रिया केंद्र उभारणे योजनेअंतर्गत नागपूर कृषी उत्पन्न बाजार समितीच्या 4 कोटी किमतीच्या प्राथमिक प्रक्रिया प्रकल्प उभारणीच्या प्रस्तावास राज्य शासनाने आज प्रशासकीय मान्यता प्रदान केली आहे.

सहकार, पणन व वस्त्रोद्योग विभागाने आज या संदर्भातील शासन निर्णय निर्गमीत केला आहे. यानुसार आधुनिक संत्रा प्रक्रिया केंद्र उभारणे योजनेच्या 27 डिसेंबर 2023 आणि 8 ऑक्टोबर 2025 च्या शासन निर्णयातील अटी व शर्तीस अधिन राहून या प्रस्तावास मान्यता देण्यात आली आहे. या योजनेची नोडल एजन्सी म्हणून कार्यकारी संचालक, राज्य कृषी पणन मंडळ पुणे हे काम पाहणार आहेत. 27 डिसेंबर 2023 च्या शासन निर्णयात नमूद केल्यानुसार या योजनेअंतर्गत उभारण्यात येणाऱ्या प्रकल्पांसाठी प्रथमत: लाभार्थ्यांनी किमान 15 टक्के स्वनिधी खर्च करणे आवश्यक असून उर्वरित 85 टक्के अर्थसहाय्य आवश्यकतेनुसार बँकेकडून कर्ज स्वरुपात घ्यावयाचे आहे. राज्य कृषी पणन मंडळाने कामाची प्रत्यक्ष पाहणी करुन बांधकाम पुर्णत्वाचे प्रमाणपत्र द्यायचे आहे. यानंतर शासनाकडून प्रकल्प किंमतीच्या (कमाल 4 कोटी) कमाल 50 टक्के मर्यादेपर्यंतचे अनुदान राज्य कृषी पणन मंडळाला वितरीत करण्यात येईल व त्यानंतर मंडळामार्फत अनुदानाची रक्कम थेट लाभार्थ्यांच्या बँक खात्यावर जमा होणार आहे. प्रशासकीय मान्यतेनंतर सदर प्राथमिक प्रकल्पाचे काम 2026-2027 या आर्थिक वर्षात पूर्ण करण्याची अट या शासन निर्णयात नमूद आहे.

दरम्यान, नागपूर जिल्ह्यातील नागपूर, काटोल व कळमेश्वर तसेच अमरावती जिल्ह्यातील मोर्शी आणि बुलढाणा येथे आधुनिक संत्रा प्रक्रिया केंद्रे उभारणे योजनेस 27 डिसेंबर 2023 च्या शासन निर्णयानुसार मान्यता प्रदान करण्यात आली होती.

 

000000

 ३ जून #दिनविशेष

प्रसिद्ध चित्रकार, शिल्पकार आणि चित्रपट-निर्माते व दिग्दर्शक बाबुराव कृष्णाजी मेस्त्री तथा #बाबुरावपेंटर यांचा जन्मदिन.१९१९मध्ये त्यांनी ‘सैरंध्री’ या कलात्मक मूकपटाची निर्मिती केली.१९२०-३० या दशकात त्यांनी एकूण१७ चित्रपटांची निर्मिती केली.