राजर्षी छत्रपती शाहू महाराज जयंतीनिमित्त सामाजिक न्याय दिन आज

नागपूर, दि.25: राजर्षी छत्रपती शाहू महाराज जयंती दिनानिमित्त दिनांक 26 जून रोजी सकाळी 11 वाजता डॉ. बाबासाहेब आंबेडकर ऑडिटोरियम, दीक्षाभूमी येथे ‘सामाजिक न्याय दिन’ कार्यक्रमाचे आयोजन करण्यात आले आहे. यावेळी पालकमंत्री चंद्रशेखर बावनकुळे यांची विशेष उपस्थिती राहतील.

सामाजिक न्याय व विशेष सहाय्य विभाग, जिल्हास्तरीय सामाजिक विकास शक्ती पदत्त समिती,  प्रादेशिक उपायुक्त, तसेच सहाय्यक आयुक्त समाज कल्याण विभाग व जिल्हा समाज कल्याण अधिकारी जिल्हा परिषद नागपूर यांच्या संयुक्त विद्यमाने आयोजित कार्यक्रमात मागासवर्गीय लाभार्थींना योजनांचा लाभ व विद्यार्थ्यांचा सत्कार करण्यात येणार आहे.

पालकमंत्री चंद्रशेखर बावनकुळे यांच्या अध्यक्षतेखाली महापौर श्रीमती नंदा जिचकार, खासदार सर्वश्री डॉ. विकास महात्मे, कृपाल तुमाने, आमदार सर्वश्री ना. गो. गाणार, प्रकाश गजभिये, प्रा. जोगेंद्र कवाडे, प्रा. अनिल सोले, गिरीश व्यास, सुनील केदार, कृष्णा खोपडे, विकास कुंभारे, सुधाकर देशमुख, सुधीर पारवे, डॉ. मिलींद माने, समीर मेघे, सुधाकर कोहळे, डॉ. आशिष देशमुख, मल्लीकार्जुन रेड्डी, जिल्हा परिषद अध्यक्षा श्रीमती निशा सावरकर, दिपक गेडाम, जिल्हाधिकारी अश्विन मुदगल, जिल्हा परिषद मुख्य कार्यकारी अधिकारी संजय यादव,पोलीस अधीक्षक शैलेश बलकवडे, समाज कल्याण विभागाचे प्रादेशिक उपायुक्त सिद्धार्थ गायकवाड, उपायुक्त आर. डी. आत्राम आदी प्रमुख अतिथी उपस्थित राहणार आहेत.

जास्तीत-जास्त नागरिकांनी या कार्यक्रमात सहभागी होण्याचे आवाहन समाज कल्याण विभागाचे सहायक आयुक्त विजय वाकुलकर, जिल्हा परिषद समाज कल्याण अधिकारी सुकेशिनी तेलगोटे यांनी केले आहे.

*****