निवडणूक विभागाकडून व्ही. व्ही. पॅटचे प्रात्यक्षिक सादर

नागपूर, दि. 7 : जिल्हा परिषदेच्या अण्णासाहेब खेडकर सभागृहात निवडणूक विभागाच्या वतीने आज सदस्यांना व्हीव्हीपॅटचे प्रात्यक्षिक सादर करण्यात आले. यावेळी व्यासपीठावर जिल्हा परिषद अध्यक्षा श्रीमती निशा सावरकर, उपाध्यक्ष शरद डोणेकर, सभापती दीपक गेडाम, उकेश चव्हाण, श्रीमती पुष्पा वाघाडे, अतिरिक्त मुख्य कार्यकारी अधिकारी अंकुश केदार, उप मुख्य कार्यकारी अधिकारी श्रीमती प्रमिला  जाखलेकर यांची उपस्थिती होती.

यावेळी हिंगणा तहसीलदार प्रताप वाघमारे यांनी उपस्थित सदस्यांना व्हीव्हीपॅट मशिन आणि मतदान याबद्दल प्रात्यक्षिक सादर केले. तसेच उपस्थित जिल्हा परिषद सदस्यांनी मतदानाचे प्रात्यक्षिक केले. 

                                   ******