सुटीच्या दिवशी होणार वाहन परवाना परीक्षा

नागपूर, दिनांक. 4 : प्रादेशिक परिवहन कार्यालय, ग्रामीण येथे दिनांक 7 व 21 मार्च तसेच 4 एप्रिल 2020 (शनिवार) या शासकीय सुटीच्या दिवशीही पक्के वाहन परवान्यासाठी तपासणी परीक्षा घेण्यात येणार आहे, असे प्रादेशिक परिवहन अधिकारी(ग्रामीण) बजरंग खरमाटे यांनी कळविले आहे. पक्के परवान्यासाठी  दिनांक 7 व 21 मार्च तसेच 4 एप्रिल 2020 (शनिवार) रोजी ऑनलाईन अर्जाद्वारे ज्यांनी अपॉइंटमेन्ट घेतली आहे. ते आवश्यक कागदपत्रांसह दिलेल्या वेळेवर कार्यालयात उपस्थित राहावे.

तसेच दिनांक दिनांक 7 व 21 मार्च तसेच 4 एप्रिल 2020 (शनिवार)  रोजी शिकाऊ अनुज्ञप्तीबाबतचा संदेश अर्जदाराने अर्ज करतेवेळी जो मोबाईल क्रमांक नमूद केला आहे, त्या मोबाईल क्रमांकावर प्राप्त झाला असेल. तरी अर्जदारांनी सुधारित प्राप्त झालेल्या संदेशानुसार अपॉइंटमेंट तारखेची नोंद घ्यावी व कागरपत्रासह त्या तारखेस कार्यालयात उपस्थित राहावे, असे आवाहन प्रादेशिक परिवहन अधिकारी (ग्रामीण) बजरंग खरमाटे यांनी केले आहे.

***