मुंबई, दि. 30 : देशाच्या स्वातंत्र्यासाठी प्राणार्पण केलेल्या हुतात्म्यांच्या स्मरणार्थ आदर व्यक्त करण्यासाठी महाराष्ट्र विधिमंडळाचे पीठासीन अधिकारी, सदस्य तसेच विधानमंडळ सचिवालयातील अधिकारी-कर्मचारी यांनी आज विधान भवन येथे दोन मिनिटे मौन (स्तब्धता) पाळून हुतात्म्यांना श्रद्धांजली वाहिली. यानंतर राष्ट्रपिता महात्मा गांधी यांच्या पुण्यतिथीनिमित्त विधानपरिषदेचे सभापती रामराजे नाईक-निंबाळकर व विधानसभेचे अध्यक्ष हरिभाऊ बागडे यांनी राष्ट्रपिता महात्मा गांधी यांच्या प्रतिमेस पुष्पहार व गुलाबपुष्प अर्पण करुन आदरांजली वाहिली.
याप्रसंगी विधानसभेचे सदस्य हर्षवर्धन जाधव, विधानमंडळ सचिवालयाचे प्रधान सचिव डॉ. अनंत कळसे, सह सचिव अशोक मोहिते, उप सचिव श्रीमती मेघना तळेकर, शिवदर्शन साठ्ये, ऋतुराज कुडतरकर, सभापतींचे सचिव महेंद्र काज, अध्यक्षांचे सचिव राजकुमार सागर, अवर सचिव (समिती) सुनिल झोरे, मुख्य सुरक्षा अधिकारी प्रविण पाटील यांच्यासह इतर अधिकारी व कर्मचारी यांनीही राष्ट्रपिता महात्मा गांधी यांच्या प्रतिमेस गुलाबपुष्प अर्पण करुन आदरांजली वाहिली.
००००
No comments:
Post a Comment