नागपूर, दि. 27 : सार्वजनिक विश्वस्त व्यवस्था अधिनियम, 1950 अंतर्गत सार्वजनिक ग्रंथालय तसेच जिल्हा ग्रंथालय संघाद्वारे दिनांक 6 ऑगस्टपर्यंत जिल्हा ग्रंथालय अधिकारी कार्यालय येथे नोंदणी अहवाल सादर करण्याचे आवाहन करण्यात आले आहे.
सार्वजनिक ग्रंथालये व जिल्हा ग्रंथालय संघाची नोंदणी रद्द करण्याबाबत कार्यवाही प्रस्तावित केली आहे का, संस्थेची नोंदणी रद्द करण्यात आली का, नोंदणी रद्द झालेल्या संस्थेने याबाबत अपील दाखल केले का, प्रकरण न्यायप्रविष्ठ आहे का, ग्रंथालयाने संघाची घटना व नियमावली प्रमाणित केली आहे का, कार्यरत कार्यकारी मंडळास सार्वजनिक न्यास नोंदणी कार्यालयाची मंजूरी प्राप्त आहे का, नसल्यास तसा प्रस्ताव सादर केला आहे का या व इतर संबंधित बाबीसंबंधी माहिती सादर करणारा अहवाल सार्वजनिक ग्रंथालये तसेत जिल्हा ग्रंथालय संघाकडून मागविण्यात आला आहे. अहवाल सादर न करणाऱ्या संस्थांना सन 2018-19 मधील परिरक्षण अनुदानातून वगळ्याची कारवाई करण्यात येईल. संबंधितांमार्फत दिनांक 6 ऑगस्ट 2018 पर्यत जिल्हा ग्रंथालय अधिकारी कार्यालय येथे अहवाल सादर करण्याचे आवाहन जिल्हा ग्रंथपाल ग. मा. कुरवाडे यांनी केले आहे.
*****
No comments:
Post a Comment