सारथीतर्फे शेतकरी उत्पादक कंपन्यांसाठी विनामुल्य प्रशिक्षण

                           

नागपूर, दि. १६ : छत्रपती शाहू महाराज संशोधन प्रशिक्षण व मानव विकास संस्थतर्फे (सारथी) शेतकरी कंपनीच्या गटातील संचालक, मुख्य कार्यकारी अधिकारी, प्रतिनिधिक सभासद यांच्यासाठी दिनांक ३ ते ७ फेब्रुवारी २०२५ या कालावधीत विनाशुल्क पाच दिवसीय निवासी क्षमता बांधणी प्रशिक्षणाचे आयोजन करण्यात आले आहे.

सारथीने या योजनेच्या अंमलबजावणीसाठी महाराष्ट्र सहकार विकास महामंडळ, पुणे यांच्याशी सहकार्य करार केलेला आहे. प्रशिक्षण पूर्ण केलेल्या शेतकरी उत्पादक कंपनींना पुढील दोन वर्षे नि:शुल्क मार्गदर्शन महाराष्ट्र सहकार विकास महामंडळामार्फत करण्यात येणार असून त्यामध्ये संबंधितांना व्यवसायिक संधी उपलब्ध करुन देणे, प्रकल्प अहवाल तयार करणे, निविष्ठा पुरवठा, बाजारपेठ जोडणी, इक्विटी ॲन्ट, प्रस्ताव, शेतकरी उत्पादक कंपनी निगडित योजना, बॅक व वित्तीय संस्थांकडून निधी उपलब्धता, शेतकरी उत्पादक कंपनीशी निगडित शासकीय अधिकारी इतर भागधारक यांच्यामध्ये समन्वय साधणे आदी सेवा पुरविण्यात येणार आहे.

या प्रशिक्षणासाठी ऑनलाईन अर्ज https://sarthi-maharashtragov.in व https://mahamcdc.com या संकेतस्थळावर उपलब्ध असून प्रशिक्षणाबाबत संस्थेचे संपर्क अधिकारी डी.के.बेदरकर यांच्या ९८६०८६९४६२ या भ्रमणध्वनी क्रमांकावर संपर्क साधावा असे आवाहन नागपूर येथील सारथीचे उपव्यवस्थापकीय संचालक तथा उपविभागीय अधिकारी सुरेश बगळे यांनी केले आहे.

 

******