मराठी भाषा निम्नस्तर परीक्षा नवीन अभ्यासक्रमानुसार होणार

मुंबई दि. 31 :राजपत्रित अधिकारी आणि अजरापत्रित कर्मचाऱ्यांची जून आणि ऑगस्ट 2018 मधील मराठी भाषा निम्नस्तर परीक्षा (प्रश्नपत्रिका क्रंमाक 1) नवीन अभ्यासक्रमावर म्हणजे महाराष्ट्र राज्य पाठयपुस्तक निर्मिती व अभ्यासक्रम संशोधक मंडळ, पुणे यांचे इयत्ता 9 वी चे मराठी अक्षरभारती या पुस्तकावर आधारीत घेण्यात येणार आहे. मराठी भाषा उच्चस्तर परीक्षेच्या अभ्यासक्रमात कोणताही बदल करण्यात आलेला नाही.

महाराष्ट्र शासनाच्या सेवेत असलेल्या अमराठी भाषिक अराजपत्रित अधिकारी आणि कर्मचाऱ्यांसाठी मराठी भाषा निम्नस्तर व उच्चस्तर परीक्षा दि. 24 जून 2018 रोजी मुंबई, पुणे, नागपूर व औरंगाबाद या चार विभागीय ठिकाणी घेण्यात येणार आहेत. या परीक्षेसाठी कर्मचाऱ्यांना विहित नमुन्यात आपले अर्ज विभाग प्रमुख /कार्यालय प्रमुख यांच्यामार्फत संबंधित विभागीय कार्यालयांकडे दि. 10 मे  2018 पर्यंत करता येणार आहे.अमराठी भाषिक राजपत्रित अधिकाऱ्यांसाठी एतदर्थ मंडळामार्फत आयोजित करण्यात येणारी पुढील मराठी भाषा निम्नस्तर व उच्चस्तर परीक्षा दि. 5 ऑगस्ट 2018 रोजी मुंबई केंद्रावर घेण्यात येणार आहे. या परीक्षेसाठी विहित नमुन्यातील आपली आवेदपत्रे विभाग प्रमुख/कार्यालय प्रमुख यांच्यामार्फत दि. 16 जून 2018 पर्यंत पोहोचणे आवश्यक आहे.

मराठी भाषा निम्नस्तर व उच्चस्तर परीक्षेसाठी विभागीय कार्यालय तसेच भाषा संचालक, महाराष्ट्र राज्य, प्रशासकीय इमारत, 5 वा मजला, डॉ.आंबेडकर उद्यानाजवळ, शासकीय इमारत, वांद्रे (पूर्व), मुंबई-400 051. दूरध्वनी क्र.022- 26552184 आणि 022- 26417265 येथे संपर्क करावा. मुंबई व कोकण विभागातील अर्ज विभागीय सहायक भाषा संचालक, भाषा संचालनालय, विभागीय कार्यालय, कोकण भवन, 3 रा मजला, नवी मुंबई-400614, दूरध्वनी क्र.022-27573542 येथे पाठविता येतील. पुणे व नाशिक विभागात राहणाऱ्यांना या परीक्षेसाठीचे अर्ज  विभागीय सहायक भाषा संचालक, भाषा संचालनालय, विभागीय कार्यालय, नवीन मध्यवर्ती इमारत, 2 रा मजला, पुणे-411001, दूरध्वनी क्र. 020-26121709 येथे करता येईल. तर नागपूर व अमरावती विभागात राहणारे विभागीय सहायक भाषा संचालक, भाषा संचालनालय, विभागीय कार्यालय, प्रशासकीय इमारत, 2 रा मजला, सिव्हिल लाईन्स, नागपूर-440001, दूरध्वनी क्र. 0712-2564956 येथे तर औरंगाबाद विभागासाठी विभागीय सहायक भाषा संचालक, भाषा संचालनालय, विभागीय कार्यालय, जुने जिल्हाधिकारी कार्यालयाचा परिसर, औरंगाबाद-431001, दूरध्वनी क्र. 0240-2361372 येथे अर्ज करता येतील.

परीक्षेसंबंधात अधिक माहिती आवश्यक असल्यास उपरोक्त संबंधित विभागीय सहायक भाषा संचालक यांच्याशी किंवा भाषा संचालक यांच्याशी दूरध्वनी क्र. 022- 26552184 वर संपर्क साधावा असे आवाहन भाषा संचालक यांनी प्रसिध्दीपत्रकादवारे केले आहे.

000