भारतीय स्वातंत्र्याचा 75 वा वर्धापन दिन
·
उपमुख्यमंत्र्यांच्या
हस्ते सकाळी 9.05 वाजता ध्वजारोहण
नागपूर, दि. 14 :
भारतीय स्वातंत्र्याचा 75 वा वर्धापन दिन सोहळा सोमवार, दिनांक 15 ऑगस्ट रोजी
सकाळी 9.05 वाजता उपमुख्यमंत्री देवेंद्र फडणवीस यांच्या उपस्थितीत मुख्य शासकीय
समारंभ विभागीय आयुक्त कार्यालय परिसरात आयोजित करण्यात आला आहे.
गृह, वित्त व नियोजन, विधी व न्याय, जलसंपदा व लाभक्षेत्र विकास, गृहनिर्माण,
ऊर्जा, राजशिष्टाचार मंत्री श्री. फडणवीस यांच्या हस्ते मुख्य सोहळ्यात ध्वजारोहण
होईल. त्यानंतर ते सशस्त्र पोलीस दलाची मानवंदना स्वीकारतील. भारतीय
स्वातंत्र्याच्या वर्धापनदिन मुख्य सोहळ्यास ज्येष्ठ नागरिक, लोकप्रतिनिधी, वरिष्ठ
प्रशासकीय अधिकारी तसेच नागरिकांनी राष्ट्रीय पोषाखात उपस्थित राहावे, असे विभागीय
आयुक्त श्रीमती विजयालक्ष्मी प्रसन्ना-बिदरी यांनी केले आहे.
****
