माहिती व जनसंपर्क महासंचालनालय, नागपूर-अमरावती विभाग,जुने सचिवालय, नागपूर E-Mail Address : dirinfngp@gmail.com दूरध्वनी - ०७१२-२५६५१०८, २५६०६५२ FAX - ०७१२-२५६५६२९
नागपूर,दि.30 : राष्ट्रपिता महात्मा गांधी यांच्या पुण्यतिथी हुतात्मा दिनानिमित आज विभागीय आयुक्त कार्यालयात दोन मिनिट मौन पाळून आदरांजली अर्पण करण्यात आली. यावेळी उपायुक्त प्रदीप कुलकर्णी, दीपाली मोतीयेळे, कमलकिशोर फुटाणे, चंद्रभान पराते, तहसिलदार महेश सावंत, एन.एम ठाकरे यांच्यासह अधिकारी व कर्मचारी यांची उपस्थिती होती.
000000
•सामाजिक न्याय विभागाच्या स्पंदन युवा सांस्कृतिक महोत्सवाचे आयोजन
नागपूर,दि. 30 : आजचा काळ हा आर्टिफिशयल इंटेलिजेंसचा आहे. त्यामुळे भविष्यातील आव्हाने ओळखून विद्यार्थ्यांनी ध्येयनिश्चीती करावी. स्पर्धेत यशस्वी व्हायचे असेल तर ध्येय आणि आत्मविश्वास अंगी असणे आवश्यक आहे. सातत्य आणि वेळेचे नियोजन महत्वाचे आहे, असे प्रतिपादन सामाजिक न्याय विशेष सहाय्य विभागाचे प्रादेशिक उपायुक्त डॉ.सिध्दार्थ गायकवाड यांनी केले.
सामाजिक न्याय विशेष सहाय्य विभाग सहाय्यक आयुक्त समाज कल्याण विभागाच्या वतीने ‘स्पंदन युवा सांस्कृतिक महोत्सवाचे’ आयोजन कविवर्य सुरेश भट सभागृह येथे करण्यात आले होते. यावेळी ते प्रमुख पाहुणे म्हणून बोलत होते. कार्यक्रमाला समाज कल्याण विभागाच्या सहायक आयुक्त सुकेशिनी तेलगोटे, जिल्हा जात प्रमाणपत्र पडताळणी समितीचे प्रादेशिक उपायुक्त मंगेश वानखेडे, शासकीय निवासी शाळेच्या विशेष अधिकारी अंजली चिंवडे, गृहपाल किशोर रहाटे यांची उपस्थिती होती.
पुढे बोलताना श्री. गायकवाड म्हणाले की, विद्यार्थ्यांच्या अंगी असलेल्या कलागुणांना वाव मिळावा म्हणून सामाजिक न्याय व विशेष सहाय्य विभागाच्यावतीने स्पंदन युवा महोत्सवाचे आयोजन करून विद्यार्थ्यांना नवीन प्लॅटफार्म निर्माण करून दिला. जिल्हास्तरावर झालेला सांस्कृतिक महोत्सव लवकरच विभागस्तरावर आयोजन करण्यात येणार असल्याचे त्यांनी सांगितले. या संधीचा लाभ विद्यार्थ्यांनी घ्यावा, असेही ते यावेळी म्हणाले. विद्यार्थ्यांनी ग्रंथसंपदेसोबतच महापुरूषांच्या जीवन चरित्राचे वाचन करावे. या महोत्सवामध्ये २६ शासकीय वसतिगृह आणि 3निवासी शाळा सहभागी झाल्या आहे.
नवीन वेबसाईटचे लोकार्पण
सामाजिक न्याय विभागाच्या वतीने WWW.acswnagpur.in या वेबसाईटचे उद्घाटन प्रादेशिक उपायुक्त डॉ.सिध्दार्थ गायकवाड यांच्या हस्ते करण्यात आले. कार्यक्रमाचे प्रास्ताविक सुकेशिनी तेलगोटे यांनी केले तर आभार अंजली चिंवडे यांनी मानले.
00000
नागपूर, दि.२९ : अखिल भारतीय नागरी
महाराष्ट्र शासनाच्यावतीने सचिवालय जिमखान्यामार्फत आयोजित अखिल भारतीय नागरी सेवा स्पर्धेत २२ राज्यासह ५६५ स्पर्धक सहभागी झाले आहेत. 2 फेब्रुवारी पर्यंत चालणाऱ्या स्पर्धेत दररोज संगीत, नृत्य, लघुनाट्य यासह संगीत कला प्रकारातील हिंदुस्तानी शास्त्रीय (गायन) हिंदुस्थानी उपशास्त्रीय (गायन) कर्नाटकी शास्त्रीय (संगीत) कर्नाटकी उपशास्त्रीय (गायन) पाश्चात्य संगीत (गायन) लोकसंगीत गायन (एकल) आणि लोकसंगीत समूह गायन सादर करण्यात येणार आहे.
संगीत कला प्रकारातील शास्त्रीय नृत्य (एकल) पाश्चात्य संगीत (गायन) लोकसंगीत (एकल) लोकनृत्य समूह सादर केली जाईल. जनतेचा सहभाग लक्षात घेता वारकरी संप्रदायातील दिंडीचे आयोजन करण्यात आले आहे. शासनाच्यावतीने महाराष्ट्र दर्शन कार्यक्रमाचे आयोजन करण्यात आले आहे.
उद्घाटनानंतर ‘जय महाराष्ट्र’ या नृत्य सादरीकरणाने कार्यक्रमाची सुरूवात झाली. कार्यक्रमाला मंगल नाखवा, सहाय्यक स्पर्धा सचिव मारुती कवालदार, सभापती अनंत शेटे, उपसभापती तुषार हिरेकर, मानद सचिव अरविंद शेट्टी मानद खजिनदार सती सोनवणे, मानद सहसचिव सुनील आगरकर व मानद सहसचिव मकरंद गयावळ यांची उपस्थिती होती.
दिनांक 2 फेब्रुवारी रोजी अखिल भारतीय नागरी सेवा संगीत नृत्य व लघुनाटय स्पर्धेचा समारोप सायंकाळी सहा वाजता होणार असून प्रमुख पाहुणे म्हणून जिल्हाधिकारी डॉ.विपीन इटनकर उपस्थित राहणार आहेत.
श्रीमती बिदरी यांच्या हस्ते पंथसंचलनामध्ये प्रथम क्रमांक आलेल्या हरियाणा, तर व्दितीय क्रमांक छत्तीसगड राज्यातील स्पर्धेकांना शाल श्रीफळ देऊन सत्कार करण्यात आला. यावेळी उपस्थित स्पर्धकांना मानद सचिव अरविंद शेट्टी यांनी शपथ दिली. कार्यक्रमाचे प्रास्ताविक मंगल नाखवा यांनी केले. या कार्यक्रमाला जास्तीत जास्त नागरिकांनी उपस्थित राहावे, असे आवाहन आयोजकांच्या वतीने करण्यात आले.
00000
%20(1).JPG)
%20(2).JPG)
नागपूरमध्ये खासदार औद्योगिक महोत्सव तसेच ॲडव्हांटेज विदर्भाच्या तीन दिवसीय कार्यक्रमाला सुरुवात
गडकरी-फडणवीस यांचे 'डबल इंजिन ' विदर्भाचा सुवर्णकाळ
: नारायण राणे
नागपूर येत्या काळात देशातील गुंतवणुकीचे हब बनणार
: नितीन गडकरी
नागपूर दि. 27 : उद्योग व्यवसाय तुलनेने कमी असणाऱ्या विदर्भ, मराठवाडा या भागात उद्योग व्यवसाय सुरू करणाऱ्या समूहांना सवलतीच्या दरात वीज पुरवठा करणारा पॅटर्न महाराष्ट्रात लवकरच राबविला जाईल, असे सूतोवाच राज्याचे उपमुख्यमंत्री तथा जिल्ह्याचे पालकमंत्री देवेंद्र फडणवीस यांनी आज येथे केले.
राष्ट्रसंत तुकडोजी महाराज नागपूर विद्यापीठाच्या प्रांगणात खासदार औद्योगिक महोत्सव अर्थात ॲडव्हाँटेज विदर्भ या तीन दिवसीय कार्यक्रमाची सुरुवात झाली आहे. विदर्भातील मोठ्या उद्योगांचे प्रदर्शन तसेच उद्योजकांचे संमेलन यानिमित्ताने आयोजित करण्यात आले आहे. या कार्यक्रमाच्या उद्घाटनानंतर प्रमुख पाहुणे म्हणून ते बोलत होते.
खासदार औद्योगिक महोत्सव नागपूर अर्थात ॲडव्हांटेज विदर्भ उद्योग व्यवसायाला चालना देण्यासाठी निर्माण केलेले व्यासपीठ असून विदर्भातील मोठया उद्योग समूहाचे प्रदर्शन आणि गुंतवणुकीचे संमेलन सध्या नागपूर येथे सुरू आहे. असोसिएशन फॉर इंडस्ट्रियल डेव्हलपमेंट यांच्यामार्फत या विचार मंथनाचे व प्रदर्शनाचे आयोजन करण्यात आले.
कार्यक्रमाच्या मंचावर केंद्रीय रस्ते वाहतूक व महामार्ग मंत्री नितीन गडकरी,सांस्कृतिक कार्य मंत्री सुधीर मुनगंटीवार,नागपूर विद्यापीठाचे कुलगुरू डॉ. सुभाष चौधरी, व्हीएनआयटीचे संचालक प्रमोद पडोळे, रामटेकचे खासदार कृपाल तुमाने, भंडाऱ्याचे खासदार सुनील मेंढे, गडचिरोलीचे खासदार अशोक नेते, खासदार अनिल बोंडे,माजी केंद्रीय मंत्री खासदार प्रफुल्ल पटेल,माजी खासदार व उद्योजक अजय संचेती,आमदार आशिष जायस्वाल,नागपूर महानगरपालिकेचे आयुक्त डॉ.अभिजीत चौधरी, जिल्हाधिकारी डॉ. विपिन इटनकर आदी उपस्थित होते.
उपमुख्यमंत्र्यांनी यावेळी गुंतवणुकदारांशी संवाद साधला. ते म्हणाले,उद्योग व्यवसायामध्ये सर्वाधिक महत्वाचा वीजपुरवठा असून अन्य राज्याच्या तुलनेत महाराष्ट्रात उद्योग व्यवसाय उभारताना यामध्ये सवलत मिळण्याची मागणी योग्य आहे. त्यामुळे येणाऱ्या काळात या संदर्भातील एक पॅटर्न आम्ही तयार करीत आहोत. याचा फायदा उद्योग समूहांना होईल. मात्र, मराठवाडा-विदर्भ यासारख्या मागास भागात उभारल्या जाणाऱ्या उद्योगांनाच या पॅटर्नचा लाभ होईल, असेही त्यांनी स्पष्ट केले.
कोणताही उद्योग उभारण्यासाठी वीज, पाणी, मध्यवर्ती ठिकाण व अन्य पायाभूत सुविधांची गरज असते.केंद्रीय रस्ते, महामार्ग व दळणवळण मंत्री नितीन गडकरी यांच्या माध्यमातून विदर्भातील रस्त्यांचे जाळे मजबूत व दीर्घकाळासाठी उत्तम झाले आहे. समृद्धी महामार्गामुळे एक वातावरण निर्मिती झाली आहे. त्यामुळे औद्योगिक क्षेत्रामध्ये आवश्यक असणारी पुरवठा साखळी विदर्भात निर्माण झाली आहे.मोठे लॉजिस्टिक क्लस्टर आम्ही नागपूरमध्ये निर्माण करणार आहोत. लॉजिस्टिक कॅपिटल म्हणून नागपूरला जगामध्ये पुढे आणायचे आहे.
समृद्धी महामार्गाचा विस्तार गोंदिया ,गडचिरोली, चंद्रपूरकडे होणार आहे. नागपूर पासून मुंबई प्रमाणे गोवा महामार्ग आम्ही तयार करीत आहोत. त्याला शक्तीपीठ महामार्ग संबोधले जाईल.नागपूरचे नवीन विमानतळ जागतिक मानांकनाचे असेल याकडे आम्ही लक्ष वेधले आहे. सोबतच अमरावती, अकोला विमानतळाला अद्यावत करणार आहोत.गडचिरोलीमध्येही आमचे विमानतळ तयार होत आहे. चंद्रपूरचेही विमानतळ आम्ही लवकरच पूर्णत्वास घेऊन जाऊ, त्यामुळे रस्ते लोहमार्ग व विमान मार्गाने नागपूर व विदर्भ प्रत्येक प्रदेशाशी जोडला गेला आहे.
चार्मोशी पासून 'वॉटर वे ' तेलंगानापर्यंत नेण्याचा आमचा मानस आहे. वैनगंगा ते नळगंगा ५५० किलोमीटरचा कॅनॉल आम्ही तयार करीत आहोत. 2024 मध्ये या कामाला सुरुवात होऊन सात वर्षात हा प्रकल्प पूर्ण व्हावा अशी आमची अपेक्षा आहे. यामुळे विदर्भातील जास्तीत जास्त शेतीला पाणी पुरवठा करता येईल.
गडचिरोली जिल्ह्यामध्ये लोह उद्योगाचा पाया रचला असून याठिकाणी उत्तम भविष्य दिसून येत आहे . मुख्यमंत्री असताना सुरू केलेला लोह उद्योग आता विस्तारित होत असून लवकरच गडचिरोली पोलाद उद्योगाचे हब होईल याची मला खात्री आहे.
केवळ नागपूर नव्हे संपूर्ण विदर्भातील सर्व जिल्हे विकसित व्हावे व त्यादृष्टीचे नियोजन,क्लस्टर निर्मितीला आणि प्राधान्य देत आहोत. याशिवाय कोळशावर तयार होणाऱ्या गॅसपासून (कोल गॅसीफिकेशन ) घरगुती वापराच्या गॅस निर्मिती संदर्भात चंद्रपूरमध्ये काही प्रयोग यशस्वी होण्याची शक्यता आहे.यातून मोठ्या प्रमाणात रोजगार निर्मिती होणार आहे.
भांडवल, पायाभूत सुविधा यासोबतच मनुष्यबळांची आवश्यकता ही महत्त्वपूर्ण ठरते. त्यामुळे नागपूरमध्ये मनुष्यबळ कौशल्य युक्त व्हावे यासाठी आमचा सातत्याने प्रयत्न सुरू आहे. संरक्षण ,पर्यटन, या क्षेत्रातही मोठे उद्योग उभारण्याची विदर्भात संधी आहे.स्टार्टअप इकोसिस्टम डेव्हलप करण्याचेही आमचे प्रयत्न सुरू आहे.
गडकरींच्या परिस्पर्शात विदर्भ विकासाची सूत्रे आहेत
तत्पूर्वी, राज्याचे सांस्कृतिक कार्य व वने मंत्री सुधीर मुनगंटीवार यांनी उपस्थित गुंतवणुकदारांना संबोधित केले. विदर्भात वन, पाणी,वीज, जागा उपलब्ध आहे. त्यामुळे तुम्हाला काय सुविधा हवी ते सांगा. आम्ही सगळे तत्पर आहोत. ज्यांच्या कर्तुत्वाला अवघ्या भारताने सलाम केला असे केंद्रीय मंत्री नितीन गडकरी या ठिकाणी मदतीला तयार आहेत. त्यांनी ज्या कामाला हात लावला त्याचे सोने होते. त्यामुळे विदर्भात गुंतवणुकीसाठी पुढे यावे, असे आवाहन त्यांनी केले. यावेळी त्यांनी वनविभागामार्फत एमआयडीसीच्या धरतीवर वनविभागावर आधारित उद्योगांची एमआयडीसी, प्रायोगिक तत्त्वावर चंद्रपूर येथे सुरू करत असल्याचे त्यांनी सांगितले.
नागपूर येत्या काळात देशातील गुंतवणुकीचे हब बनणार
: नितीन गडकरी
विदर्भाच्या विकासासाठी काय करता येईल,याच्या विचार मंथनासाठी ॲडव्हांटेज विदर्भ व खासदार औद्योगिक महोत्सवाचे आयोजन करण्यात आले आहे. विदर्भात पायाभूत सुविधा निर्माण करण्यासाठी आमचा प्रयत्न सुरू आहे.गडचिरोलीपासून वाशिम पर्यंत आणि बुलडाण्यापासून गडचिरोलीपर्यंत आम्ही चांगले रस्ते तयार केले.
पाणी, वीज, पायाभूत सुविधा, विस्तीर्ण रस्ते, तंत्रज्ञान यासह केंद्रातून कोणतीही मदत लागल्यास मी तत्पर आहे. राज्यासाठी उपमुख्यमंत्री देवेंद्र फडणवीस तयार आहेत. सोबतीला राज्याचे माजी मंत्री तसेच केंद्रीय सूक्ष्म लघू मध्यम मंत्री नारायण राणे स्वतः या ठिकाणी उपस्थित आहे .त्यामुळे आता विदर्भात विकास झाला पाहिजे. गुंतवणूकदारांनी आरोग्य ,अभियांत्रिकी, औषधी,पर्यटन, हॉटेल व्यवसाय व अन्य लॉजिस्टिक सारख्या मोठ्या क्षेत्रात गुंतवणुकीसाठी पुढे यावे असे आवाहन त्यांनी यावेळी केले.
गडकरी फडणवीस यांचे डबल इंजिन विदर्भाचा सुवर्णकाळ
: नारायण राणे
कार्यक्रमाचे अध्यक्षीय भाषण केंद्रीय मंत्री नारायण राणे यांनी केले. ते म्हणाले, केंद्रीय मंत्री नितीन गडकरी, उपमुख्यमंत्री देवेंद्र फडणवीस यांच्याकडे विदर्भाचा पूर्ण अभ्यास आहे. कुठे काय निर्माण होऊ शकते, कोणत्या जिल्ह्याला कोणता उद्योग उपयोगी पडू शकते यशस्वी होऊ शकते, याची माहिती असणारे हे नेतृत्व आहे. त्यामुळे विदर्भाच्या विकासाचा हा सुवर्णकाळ आहे.
वीज, सुरक्षा,पायाभूत सुविधा आदी सर्व सुविधा विदर्भात उपलब्ध आहेत. त्यामुळे मोठ्या संख्येने विदर्भामध्ये गुंतवणूक करणे, ही गुंतवणूकदारांसाठीची सध्याची संधी आहे त्याचा लाभ घ्यावा ,असे आवाहन त्यांनी यावेळी उपस्थित गुंतवणूकदारांना केले.
मात्र प्रधानमंत्री नरेंद्र मोदी यांच्या विकसित भारतामध्ये, महाराष्ट्राच्या ट्रिलियन डॉलरच्या इकॉनोमीमध्ये,नव्या जगाच्या भारतामध्ये आपला विदर्भ दिसायला पाहिजे. यासाठी सगळ्या उद्योजकांनी पुढे या, असे आवाहनही त्यांनी केले.
कार्यक्रमाचे प्रास्ताविक आशिष काळे व सूत्रसंचालन रेणुका देशकर यांनी केले.
नागपूर, दि. २७ : सामाजिक, राजकीय आणि शैक्षणिक क्षेत्रात गेल्या अनेक वर्षापासून डॉ.बबनराव तायवाडे काम करीत आहेत.नागपूर मेडिकल हब म्हणून विकसित होत असताना दक्षिण पश्चिम नागपुरात उभारण्यात आलेले तायवाडे मस्टिस्पेशालीटी हॉस्पिटल रुग्णसेवेसाठी वरदान ठरणार आहे, असे मत उपमुख्यमंत्री देवेंद्र फडणवीस यांनी व्यक्त केले.
तायवाडे मल्टीस्पेशालीटी हॉस्पिटलचे उद्घाटन उपमुख्यमंत्री देवेंद्र फडणवीस यांच्या हस्ते करण्यात आले. यावेळी ते बोलत होते.
अद्ययावत आणि अत्याधुनिक रुग्ण सेवेने सज्ज असलेले तायवाडे मटिस्पेशालिस्ट हॉस्पीटल मधील रुग्णसेवेचा लाभ दक्षिण व पश्चिम नागपुरातील तसेच आजुबाजुच्या परिसरातील नागरिकांना होईल, अशी अपेक्षा त्यांनी यावेळी व्यक्त केली.
मध्य भारतातील विविध भागातून रुग्ण नागपुरात उपचारासाठी येत असतात. या भागामध्ये मल्टिस्पेशालिटी हॉस्पीटलची आवश्यकता होती. तायवाडे मलिस्पेशालिटी हॉस्पिटलमुळे ती पूर्ण झाली असल्याचे मत श्री. फडणवीस यांनी व्यक्त केले.
मध्य भारतातील किफायतशीर व खात्रीलायक उपचाराचे केंद्र म्हणून नागपूरची ओळख होत आहे येथील वैद्यकीय व्यवसायाने आपल्या निष्ठेने व सेवाभावाने आपले नावलौकिक मिळवले आहे. आरोग्य हब म्हणून ओळखल्या जाणाऱ्या नागपुरातील वैद्यकीय क्षेत्रात याच पद्धतीने तायवाडे हॉस्पिटलमुळे नागपुरच्या वैद्यकीय क्षेत्राचा लौकिक वाढीस लागेल, असा विश्वास हॉस्पीटलचे संचालक डॉ.शौनक तायवाडे यांनी व्यक्त केला.
.JPG)
नागपूर दि.26 : जिल्हाधिकारी कार्यालयात भारतीय प्रजासत्ताक दिनाचा 74 वा वर्धापन दिन सोहळा साजरा करण्यात आला. जिल्हाधिकारी डॉ. विपीन इटनकर यांच्या हस्ते ध्वजारोहण करण्यात आले.
अपर जिल्हाधिकारी आशा पठाण, निवासी उपजिल्हाधिकारी सुभाष चौधरी तसेच उपजिल्हाधिकारी, तहसीलदार, इतर विभागाचे अधिकारी व कर्मचारी याप्रसंगी उपस्थित होते. पोलीस पथकाद्वारे मानवंदना देण्यात आली. जिल्हाधिकारी यांनी उपस्थितांना प्रजासत्ताक दिनाच्या शुभेच्छा दिल्या
00000
.jpg)
.jpg)
नागपूर, दि. 26 : प्रजासत्ताक दिनानिमित्त आयोजित ध्वजारोहण समारंभानंतर विविध पुरस्कारांचे वितरण उपमुख्यमंत्री देवेंद्र फडणवीस यांच्या हस्ते करण्यात आले. यात भूजल समृद्ध ग्राम स्पर्धा, यशस्वी लघुउद्योग जिल्हा पुरस्कार, महाराष्ट्र स्टुडन्ट इनोव्हेशन चॅलेंज उपक्रमाचे जिल्हास्तरीय विजेता, उत्कृष्ट पोलीस पथक, पोलीस आयुक्तालयाच्या वतीने देण्यात येणारी पोलीस पदकांचे वितरण उपमुख्यमंत्र्यांच्या हस्ते करण्यात आले.
भूजल समृद्ध ग्राम स्पर्धा २०२२-२३
अटल भूजल योजना, भूजल सर्वेक्षण आणि पुरवठा व स्वच्छता विभागामार्फत देण्यात येणाऱ्या भूजल समृद्ध ग्राम स्पर्धा २०२२-२३ चे वितरण करण्यात आले. यात प्रथम पुरस्कार खेडी, गोवारगोंदी, ता. नरखेड या ग्रामपंचायतीला प्रदान करण्यात आला. खुर्सापार, ता.काटोल यांना द्वितीय तर डोली, भांडवलकर ता. काटोल ग्रामपंचायतीला तृतीय पुरस्कार प्रदान करण्यात आला.
यशस्वी लघु उद्योग जिल्हा पुरस्कार २०२२
यशस्वी लघुउद्योग जिल्हा पुरस्काराचे वितरण यावेळी करण्यात आले. यात मे. शुभलक्ष्मी फुड इंडस्ट्रीज प्रो. अंकित अग्रवाल, लिहिगांव ता.कामठी यांना प्रथम, मे. ब्रामनी इंडस्ट्रीज प्रो. हरीश पुरुषोत्तम शर्मा बुटीबोरी परिसर, नागपूर यांना द्वितीय तर मे. डॅफोडिल इंन्गीव्हिन्स इंडिया पा. लि. प्रो. रेखा प्रमोद अग्रवाल बुटीबोरी परिसर, नागपूर यांना तृतीय पुरस्कार देण्यात आला. गौरव चिन्ह प्रमाणपत्र व रोख पंधरा हजार रुपये असे पुरस्काराचे स्वरूप आहे.
महाराष्ट्र स्टुडंट इनोव्हेशन चॅलेज उपक्रम
महाराष्ट्र स्टुडंट इनोव्हेशन चॅलेज उपक्रमाचे जिल्हास्तरीय पुरस्कारांचे क्रिष्णा किर्तीकुमार सेदानी, प्रथमेश कारंजेकर, प्रणय छगन डोबळे, उदय सिंग ठाकुर, प्रथमेश नंदकिशोर कुईटे, सौम्या सुनिल यादव, तान्या सत्तुजा, अवंती पुसदेकर, डॉ. कोमल रविद्र देवतळे, प्रतिक मेश्राम यांना प्रदान करण्यात आला.एक लक्ष भांडवल या माध्यमातून पुरविण्यात येणार आहे.
उत्कृष्ट पोलीस पथके व विद्यार्थी पुरस्कार
उपमुख्यमंत्री देवेंद्र फडणवीस यांच्या हस्ते पथसंचलनात सहभागी पथकांपैकी तिघांना अनुक्रमे प्रथम, द्वितीय व तृतीय क्रमांकाने सन्मानित करण्यात आले. पोलीस पथकामध्ये पहिल्या क्रमांकाने नागपूर शहर महिला पोलीस यांना द्वितीय नागपूर शहर पोलीस तर तृतीय क्रमांक राज्य राखीव पोलीस बल गट क्रमांक ४ यांना सन्मानित करण्यात आले. तर विद्यार्थ्यांमध्ये प्रथम क्रमांक प्रहार डिफेन्स अकॅडमी प्रहार डिफेन्स अकॅडमी खामला, द्वितीय क्रमांक वर्धमान सैनिकी शाळा वडधामना तर तृतीय क्रमांक प्रहार सैनिकी शाळा रवी नगर यांच्या पथकांना सन्मानित करण्यात आले.
जिल्हाधिकाऱ्यांचा विशेष सन्मान
निवडणूक सुधारणासंदर्भात केलेल्या उत्कृष्ट कार्यासाठी जिल्हाधिकारी डॉ. विपिन इटनकर यांना राष्ट्रपती द्रौपदी मुर्मु यांच्या हस्ते भारत निवडणूक आयोगाचा 'बेस्ट इलेक्ट्रॉल प्रॅक्टिस अवार्ड 2023 ' हा राष्ट्रीय पुरस्कार प्रदान करण्यात आला. यानिमित्त उपमुख्यमंत्री यांच्या हस्ते डॉ. इटनकर यांचा सन्मान करण्यात आला. तसेच राष्ट्रपती पोलीस पदक मिळाल्याबद्दल पोलीस अधिकारी संजय पाटील यांना सन्मानित करण्यात आले.
०००००
नागपूर दि.26 : उच्च न्यायालयाच्या नागपूर खंडपीठात भारतीय प्रजासत्ताक दिनाचा 74वा वर्धापन दिन सोहळा साजरा करण्यात आला. नागपूर खंडपीठाचे प्रबंधक रविंद्र सादरानी यांच्या हस्ते ध्वजारोहण करण्यात आले.
उच्च न्यायालयातील न्यायालयीन प्रबंधक डी.पी.सातवलेकर, विधीसेवेचे सचिव अनिल शर्मा, उपप्रबंधक योगेश रहांगडाले, अे.एम.सावंत, सुरेश शिंदे, फैजल कश्मिरी, सहायक प्रबंधक आर.आर.सोंधीया, राजशिष्टाचार अधिकारी विलास पुंडलिक तसेच न्यायिक अधिकारी व कर्मचारी याप्रसंगी उपस्थित होते.
नागपूर दि.26 : जिल्हाधिकारी डॉ. विपीन इटनकर यांच्या निवासस्थानी भारतीय प्रजासत्ताकदिनाचा 74वा वर्धापन दिन सोहळा साजरा करण्यात आला. डॉ. विपीन इटनकर यांच्या हस्ते ध्वजारोहण करण्यात आले.
जिल्हाधिकारी यांच्या पत्नी, तहसिलदार, इतर विभागाचे अधिकारी व कर्मचारी याप्रसंगी उपस्थित होते. पोलिसांनी मानवंदना दिली.
00000
नागपूर, दि. 26 : अनाथाचे नाथ म्हणून सुप्रसिध्द असलेले जेष्ठ समाज सेवक शंकरबाबा पापडकर यांना पद्मश्री पुरस्कार जाहीर झाल्याबद्दल उपमुख्यमंत्री देवेंद्र फडणवीस यांनी शंकरबाबांचे अभिनंदन केले. तसेच त्यांनी शंकरबाबा पापडकर यांच्यासोबत वझ्झर येथिल बालगृहात सुरु असलेल्या विविध उपक्रमांची माहिती घेतली.
शंकरबाबा पापडकर यांना पद्मश्री हा सर्वोच्च पुरस्कार जाहिर झाल्याबद्दल उपमुख्यमंत्री देवेंद्र फडणवीस यांनी दूरध्वनीव्दारे शंकरबाबांना शुभेच्छा दिल्यात. तसेच समाजासाठी करत असलेल्या कामाचा गौरव केला.
अमरावती जिल्हयातील वझ्झर येथे स्वर्गीय अंबादास पंत बालगृहाच्या माध्यमातून अंध, अपंग तसेच पुर्णत: मतीमंद असलेल्या १२५ मुलांचा सांभाळ करत असून त्यांना स्वत:चे नाव देवून ओळख दिली आहे. राज्यभरातून विविध ठिकाणी सापडलेल्या मतीमंद बालकांचा स्विकार करुन त्यांच्या पुर्नवसनासाठी सातत्याने प्रयत्न करत आहेत. मतीमंद अपंग, अंध मुलांच्या पुर्नवसनासाठी १९९२ पासून त्यांचे सातत्याने कार्य सुरु आहे. या कामाची दखल घेवून त्यांना प्रजासत्ताक दिनाच्या पूर्वसंध्येला पद्मश्री हा नागरी पुरस्कार जाहीर झाला आहे. समाजसेवेतील त्यांचे हे कार्य अव्दितीय असल्याचे उपमुख्यमंत्र्यांनी यावेळी सांगितले.
.JPG)
नागपूर, दि.26 : नागपुरातील प्रसिद्ध न्यूरोसर्जन डॉ. चंद्रशेखर मेश्राम यांना पद्मश्री पुरस्कार जाहीर झाल्याबद्दल उपमुख्यमंत्री देवेंद्र फडणवीस यांनी त्यांच्या रहाटे कॉलनी येथील निवासस्थानी भेट देत अभिनंदन केले. यावेळी त्यांनी डॉ. मेश्राम यांच्याशी आरोग्यासह विविध विषयावर चर्चा करीत पुढील वाटचालीस शुभेच्छा दिल्या.
छोट्याश्या गावातून आलेल्या व जगाच्या नकाशावर आपल्या कर्तृत्वाचा ठसा उमटवणारे प्रसिद्ध मेंदू रोग तज्ज्ञ डॉ. चंद्रशेखर मेश्राम यांना प्रजासत्ताक दिनाच्या पूर्वसंध्येला पद्मश्री हा देशाचा नागरी पुरस्कार जाहीर करण्यात आला. मेंदू विकारावरील जनजागृतीसाठी त्यांना हा पुरस्कार जाहीर करण्यात आला. यानिमित्त उपमुख्यमंत्री श्री. फडणवीस यांनी त्यांची निवासस्थानी भेट घेतली.
डॉ. मेश्राम यांनी न्युरो सर्जन म्हणून केलेले कार्य अद्वितीय आहे. विदर्भातीलच नव्हे तर देशभरातील रुग्ण त्यांच्याकडे उपचारासाठी येतात. त्यांची ही रुग्णसेवा अशीच अखंडित पुढे सुरू राहो, असे उपमुख्यमंत्री यावेळी म्हणाले.
जिल्हाधिकारी डॉ. विपीन इटनकर, डॉ. मेश्राम यांच्या पत्नी नम्रता, मुले डॉ. अविरल व आशय, अलंकार रामटेके यावेळी उपस्थित होते.
नागपूर, दि. 25: राष्ट्रीय मतदार दिवसानिमित्त विभागीय आयुक्त कार्यालयाच्या सभाकक्षामध्ये आज उपायुक्त दीपाली मोतीयेळे यांनी अधिकारी व कर्मचाऱ्यांना लोकशाहीवर निष्ठा ठेवण्याची शपथ दिली.
लोकशाहीवर निष्ठा ठेवून आपल्या देशाच्या लोकशाही परपरांचे जनत करुन आणि मुक्त नि:पक्षपाती शांततापूर्ण वातावरणातील निवडणूकांचे पावित्र्य राखू व प्रत्येक निवडणूकीत निर्भयपणे तसेच धर्म, वंश, जात समाज, भाषा यांच्या विचारांच्या प्रभावाखाली न येता किंवा कोणत्याही प्रलेाभनास बळी न पडता मतदान करू, अशी शपथ यावेळी उपस्थितांना देण्यात आली.
यावेळी उपायुक्त प्रदीप कुलकर्णी, चंद्रभान पराते, धनंजय सुटे, तहसिलदार महेश सावंत, आर.के.डिघोळे, संध्या खोडे यांच्यासह अधिकारी व कर्मचाऱ्यांची उपस्थिती होती.
*******
