नागपूर दि.27 : तुळजा भवानी अपंग प्रशिक्षण केंद्र, देगलूर या संस्थेत मान्यता प्राप्त अभ्यासक्रमासाठी अपंग व मुकबधीर मुला-मुलींची प्रवेश प्रक्रिया सुरु करण्यात आली असून इच्छूकांनी दिनांक 30 जूनपर्यत अर्ज सादर करावे.
अपंग कल्याण आयुक्तालय पुणे यांची मान्यता प्राप्त तुळजा भवानी अपंग प्रशिक्षण केंद्र, देगलूर येथे व्यावसायिक शिक्षण अभ्यासक्रमास सुरुवात करण्यात आली आहे. यामध्ये संगणक प्रशिक्षण (हार्डवेअर व कॉम्प्युटराईज्ड अकाँटींग अँन्ड ऑफिस ॲटोमेशन), वेल्डर कम फॅब्रीकेटर, कंपोजींग प्रिटींग ॲन्ड बायडींग, शिवण कर्तनकला, टंकलेखन, विजतंत्री इत्यादी अभ्यासक्रमाचा समावेश करण्यात आला आहे.
अपंग व मुकबधीर प्रशिक्षणार्थ्यांना यशवतंराव चव्हाण मुक्त विद्यापीठ अंतर्गत पदवी प्रदान करण्यात येईल. याशिवाय उमेदवारांना निवास, वैद्यकिय औषधोपचाराची व प्रशिक्षण साहित्याची सेवा विनामुल्य राहील.
इच्छूक अपंग उमेदवारांच्या पालकांनी दिनांक 30 जूनपर्यंत प्राचार्य, तुळजा भवानी अपंग प्रशिक्षण केंद्र, शिवनेरी नगर, रामपूर रोड देगलूर जिल्हा नांदेड, भ्रमणध्वनी क्रमांक 9403207100,9960900369 या क्रमांकावर संपर्क साधण्याचे आवाहन प्रशिक्षण केंद्रामार्फत प्रसिद्धी पत्रकाद्वारे करण्यात आले आहे.
*****
No comments:
Post a Comment