स्पेन येथील संत्रा विशेषज्ञ रॅमॉन नेव्हिया यांनी घेतली केंद्रीय मंत्री नितीन गडकरी यांची भेट ·तीन दिवसाच्या विदर्भ दौऱ्यावर

     

नागपूर, दि. 30 : स्पेन, इजिप्त आणि मध्यपूर्व आशियात उत्पादित संत्रा विशेषज्ञ रॅमॉन नेव्हिया हे  आज, दि.30 सप्टेंबरपासून तीन दिवसीय विदर्भ दौऱ्यावर असून, त्यांनी आज केंद्रीय मंत्री नितीन गडकरी यांच्या निवासस्थानी महाऑरेंजचे राहुल ठाकरे यांच्यासोबत भेट घेतली. यावेळी त्यांच्यासोबत महाऑरेंजचे राहुल ठाकरे उपस्थित होते.

       नितीन गडकरी यांनी उत्पादकांच्या संत्रे बट्टीदार होणे, सारख्या आकाराची फळे असणे, फाययटोपथोरा मुक्त असणे, संत्र्यांचा गोडवा वाढवणे, संत्र्यांची ‍टिकवनक्षमता वाढवणे आणि मुख्य म्हणजे संत्र्यांची उत्पादकता कशी वाढवता येईल यावर चर्चा केली. भारत आणि स्पेन या दोन्ही देशांमध्ये संत्र्यासंदर्भात तंत्रज्ञान व विविध अडचणींसंदर्भात चर्चा केल्याचे केंद्रीय मंत्री नितीन गडकरी यांनी यावेळी सांगितले.

  स्पेन येथील संत्रा विशेषज्ञ रॅमॉन नेव्हिया यांचा हा दौरा महाऑरेंज, स्पेन येथील ट्रेडकॉर्प इंटरनॅशनल, धनश्री ॲग्रो इंडस्ट्रीज पुणे, प्रगती इंटरप्रायजेस प्रा. लि. अमरावती व श्री. शिवाजी कृषी महाविद्यालय यांच्या संयुक्त विद्यमाने आयोजित करण्यात आला आहे.  यावेळी महेश दामोदरे आणि सुधीर जगताप उपस्थित होते.

*****