मुंबई, दि. 30 : मौजे इंदलगाव ता. अंबड जि. जालना येथील गट क्र. 46 व वाळकेश्वर गट क्र. 76 येथील जप्त वाळूसाठा प्रकरणी संबंधित अधिकारी व कर्मचाऱ्यांची विभागीय आयुक्त औरंगाबाद यांच्यामार्फत चौकशी करुन संबंधितांवर आवश्यक ती कार्यवाही करण्यात येणार असल्याची माहिती महसूल मंत्री चंद्रकात पाटील यांनी आज विधानपरिषदेत दिली.
या बाबतची लक्षवेधी सूचना सदस्य विनायक मेटे यांनी मांडली होती. यावेळी श्री. पाटील बोलत होते.
यावेळी श्री.पाटील म्हणाले, राज्यातील अवैध वाळू तस्करी प्रकरणी कडक कारवाई करण्यात येते आहे. अवैध वाळू रोखण्यासाठी प्रयत्न केले जातील. लवकरच या संबंधी बैठक आयोजित केली जाईल.
या चर्चेत विरोधी पक्षनेते धनंजय मुंडे, सदस्य सतीश चव्हाण यांनी सहभाग घेतला.
000
No comments:
Post a Comment