नागपूर, दि. 31: कस्तुरचंद पार्क येथील राष्ट्रीय ध्वज उभारणीचे काम तातडीने सुरू करावे. येत्या महाराष्ट्र दिनी ध्वजारोहणाचा कार्यक्रम होण्याच्या दृष्टीने तयारी करावी, असे निर्देश पालकमंत्री चंद्रशेखर बावनकुळे यांनी दिले.
कस्तुरचंद पार्क येथील राष्ट्रीय ध्वज उभारणी करण्याबाबत घेण्यात आलेल्या बैठकीत ते बोलत होते. यावेळी जिल्हाधिकारी अश्विन मुदगल, महानगरपालिकेचे अप्पर आयुक्त रविंद्र ठाकरे उपस्थित होते.
कस्तुरचंद पार्क येथील लोकमत वृत्तपत्राच्या पुढाकाराने राष्ट्रीय ध्वज उभारण्यात येईल. त्यासाठी महानगरपालिकेने कामाला गती द्यावी. तसेच आवश्यक ती निविदा प्रक्रिया व कार्यारंभ आदेश निर्गमित करावेत. रोजच्या कामाचे नियंत्रण करून काम जलद गतीने करावे, असेही त्यांनी यावेळी सांगितले.
*****
No comments:
Post a Comment