DIRECTOR INFORMATION NAGPUR

 बाल शक्ती व बालकल्याण पुरस्काराकरिता अर्ज आमंत्रित

            नागपूर, दि. 7 :  महिला व बालविकास विभागामार्फत दिल्या जाणाऱ्या बाल शक्ती व बालकल्याण पुरस्कार 2021 साठी विविध व्यक्ती आणि संस्थांकडून अर्ज आमंत्रित करण्यात आले आहे. हे अर्ज www.nca-wcd.nic.in या संकेतस्थळावर ऑनलाईन पध्दतीने 15 सप्टेंबर 2020 पर्यंत स्विकारले जाणार असल्याची माहिती जिल्हा महिला व बाल विकास अधिकारी अपर्णा कोल्हे यांनी दिली आहे. 

            बाल शक्ती पुरस्कार हा 18 वर्ष पर्यंतच्या मुलांना शिक्षण, कला सांस्कृतिक कार्य, खेळ, नाविन्यपूर्ण शोध, सामाजिक कार्य व शौर्य या क्षेत्रात विशेष नाविन्यपूर्ण कामगिरी केल्याबद्दल दिला जातो. बालकल्याण पुरस्कार हा वैयक्तिक स्तरावर मुलांच्या विकास, संरक्षण व कल्याण या क्षेत्रात कोणत्याही प्रकारचे वेतन अथवा मानधन न घेता मानसेवी भावनेतून किमान 7 वर्षे काम करणाऱ्या व्यक्तीस हा पुरस्कार दिला जातो. तसेच संस्था स्तरावर बालकल्याण क्षेत्रात अपवादात्मक कार्य करणाऱ्या व्यक्तीस हा पुरस्कार दिला जातो. संस्था ही शासनाच्या निधीवर अवलंबून नसावी तसेच बालकल्याण क्षेत्रात किमान 10 वर्षे सातत्यपूर्ण उत्कृष्ट कार्य करणारी असावी.

****