12 वीच्या परीक्षेकरिता ऑनलाईन आवेदन प्रक्रियेस मुदतवाढ

नागपूर दि.19 : महाराष्ट्र राज्य माध्यमिक व उच्च माध्यमिक शिक्षण मंडळामार्फत उच्च माध्यमिक प्रमाणपत्र (इ. 12 वी) परीक्षा फेब्रुवारी-मार्च 2020 करीता नियमित, पुनर्परीक्षार्थी, नाव नोंदणी प्रमाणपत्र प्राप्त झालेले खाजगी विद्यार्थी, श्रेणी सुधार योजना व तुरळक विषय घेऊन परीक्षेस प्रविष्ठ होणाऱ्या विद्यार्थ्यांना विलंब शुल्कासह ऑनलाईन पद्धतीने आवेदने सादर करण्यास दिनांक 5 डिसेंबरपर्यंत मुदतवाढ देण्यात आली आहे.

सर्व विद्यार्थी नियमित शुल्कासह सोमवार दिनांक 25 नोव्हेंबरपर्यंत तर विलंब शुल्कासह दि.26 नोव्हेंबर ते 5डिसेंबर रोजी सायंकाळी 5वाजेपर्यंत अर्ज करु शकतील.

विलंब शुल्काद्वारे प्राप्त अर्जाची रक्कम चलनाद्वारे बँकेत जमा करण्यासाठी महाविद्यालयांना दि.1 नोव्हेंबर ते 6 डिसेंबरपर्यंत वेळ देण्यात आली आहे, अशी माहिती महाराष्ट्र राज्य माध्यमिक व उच्च माध्यमिक शिक्षण मंडळाचे सचिव डॉ. अशोक भोसले यांनी प्रसिद्धी पत्रकाद्वारे कळविली आहे.

****