माजी प्रधानमंत्री इंदिरा गांधी यांना अभिवादन

                                विभागीय आयुक्त कार्यालय

नागपूर‍ दि.19 : विभागीय आयुक्त कार्यालयाच्या सभाकक्षात भारताच्या माजी प्रधानमंत्री  इंदिरा गांधी यांच्या जयंतीनिमित्त आज उपायुक्त संजय धिवरे यांनी त्यांच्या प्रतिमेस पुष्पहार अर्पण करुन अभिवादन केले. राष्ट्रीय एकात्मता दिवस म्हणून यावेळी देशाचे स्वातंत्र्य आणि राष्ट्रीय एकात्मता अबाधित राखण्यासाठी व दृढ करण्यासाठी निष्ठापूर्वक काम करण्याची व कधीही हिंसाचार अवलंबणार नाही. तसेच सर्व धार्मिक, भाषिक किंवा प्रादेशिक मतभेद व तंटे किंवा इतर राजकीय वा आर्थिक गाऱ्हाणी शांततामय आणि संविधानिक मार्गाने सोडविण्याचा प्रयत्न चालू ठेवीन, अशी शपथ उपस्थितांना देण्यात आली.

यावेळी उपायुक्त शैलेश मेश्राम, धनंजय सुटे, तहसीलदार श्रीमती डॉ. हंसा मोहने, प्रताप वाघमारे तसेच विभागीय आयुक्त कार्यालयातील अधिकारी, कर्मचारी उपस्थित होते.

 

जिल्हाधिकारी कार्यालय

जिल्हाधिकारी कार्यालयाच्या बचत भवन येथे  माजी प्रधानमंत्री इंदिरा गांधी यांच्या जयंतीनिमित्त जिल्हाधिकारी रविंद्र ठाकरे यांनी त्यांच्या प्रतिमेस पुष्पहार अर्पण करुन अभिवादन केले.  तसेच  राष्ट्रीय एकात्मता दिनानिमित्त उपस्थित सर्व अधिकारी व कर्मचाऱ्यांना राष्ट्रीय एकात्मतेची शपथ दिली.

            यावेळी निवासी उपजिल्हाधिकारी रविंद्र खजांजी, उपजिल्हाधिकारी अविनाश कातडे, जिल्हा पुरवठा अधिकारी भास्कर तायडे, उपजिल्हाधिकारी श्रीमती सुजाता गंधे, उपजिल्हाधिकारी श्रीमती विजया बनकर, तसेच जिल्हाधिकारी कार्यालयातील अधिकारी, कर्मचारी उपस्थित होते.

*******