तीन टक्के वाढीव महागाई भत्त्याची 9 महिन्याची थकबाकी ऑक्टोबर 2018 च्या वेतनात रोखीने - सुधीर मुनगंटीवार

मुंबई, दि. 29 : राज्य शासकीय व इतर पात्र कर्मचाऱ्यांचा महागाई भत्ता 1 जानेवारी 2018  पासून 139 वरून 142 इतका करण्यात आला होता तसेच ऑक्टोबर 2018 च्या वेतनात या महागाई भत्त्याची रक्कम रोखीने देण्याचे आदेश यापूर्वीच निर्गमित करण्यात आले होते. 9 महिन्याच्या थकबाकी चा निर्णय प्रलंबित होता.

 आता 1 जानेवारी ते 30 सप्टेंबर 2018 या 9 महिन्याच्या कालावधीची 3 टक्के महागाई भत्त्याची थकबाकी ची रक्कम ही ऑक्टोबर 2018 च्या वेतनात रोखीने देण्याचे आदेश निर्गमित करण्यात आले आहेत अशी माहिती अर्थ मंत्री सुधीर मुनगंटीवार यांनी दिली. या बाबतचा शासन निर्णय आज दि. 29 ऑक्टोबर 2018 रोजी वित्त विभागाने निर्गमित केल्याचेही श्री. मुनगंटीवार यांनी सांगितले.

                                                                      ००००